ṀYẸKẸẸ MEDIA: IGEDE POEM

ẸLA NYA ỊLẸHỊ KU AMWỤ

Ẹla nya ịlẹhị ha ụhyị gu ọkpakoo.

Ẹla nya ịlẹhị la ịpyọ gu inwa.

Ẹla nya ịlẹhị chooru kwọkwọ gu ọhọ nya ehyaa.

Ẹla nya ịlẹhị ọọwa dachichi á kụ ẹkpẹ nya ube lẹ.

Ẹla nya ịlẹhị kịlata mileji ojiya.

Angị ya ẹla nya ịlẹhị a ye ẹga hùhù ojiya ka.

Ẹla nya ịlẹhị ku amwụ.

Angị hu abwo lang onyobyi dachichi á ku ọkaa lẹlẹ.

Ẹla nya ịlẹhị ku ẹkpẹ nya ube ọkọkọ nya ahyị nya ube.

Ẹla nya ịlẹhị ku amwụ gu ẹngịrị nya inyi.

Ẹla nya ịlẹhị ku amwụ gu okpoko ịgọm.

Ahị wuu juwa tịtọ nya okpunyi.

Ma ẹla nya ịlẹhị a tị ri ugbooji ọlẹ kị ya okpunyi pịịlẹ lẹ.