EPWEEDII.

Ojiya Ojegbe bala Ojiya Ibyanko nya adam, anụ ha gbalẹ mẹ.

Ojegbe ri epweedii, ma ẹla á chigichigi lụmẹ o-ri Ojiya Ibyanko.

Ṁ kpu ịtiịya nya ụhyị nya ugbunwu bala ọkpako bala ekeji ịkịla ịlẹ kị juwa-a kaa kpa ụrụrụ.

Ṁ kpu ịtiịya nya átẹ nya ekeji kị la pwọọ kahị ka huhu-u.

Ekeji chị owuu gbee, ẹnụ á chị wu ọngịnyị ọyị ka.

Ẹ-ẹga ka anịna mẹ ọhaha jẹ.

Ẹ-ẹga ka anịna ka ya ẹla nya ịlẹhị ji-awụle.

Ẹ-ẹga ka ẹla ịmịịla ododu aá họ ụkụrwọ ka.

Ẹ-ẹga ka ịmoonụ gaamwụ-ụ.

Ẹ-ẹga ka ẹla o ya kirọrọọ gaamwụ.

Ẹ-ẹga ka okpoko ọ-chị ikiri ju gaamwụ.

Ụ-ụwa ẹla nya ịlẹhị ọlẹ ka ala IGEDE kpa kpawụlẹ ka okpunyi ji, á ji lẹ.

Ụ-ụwa Ode ham gu Oga lẹ-ẹ m ka chị upwu ba ẹla nya ịlẹhị, á ji ka.

Epweedii, Ẹ-ẹga ka anịna họ okpunyi olam-olam ka ẹpwụ ka ẹpwụ.

Epweedi, ụ-ụwa Ojiya Ojegbe, ẹ-ẹga adahị anyị ka nwụla ọpyị.

Epweedi, ụ-ụwa Ojiya Ojegbe, ẹ-ẹga ki-i chị aliibyi egaa.

Chawowo! ala IGEDE anụ kpehe tam.

Ọpyị á ha ka, okpunyi á ji ka, anịna cheje kpa hawụlẹ ẹla lala ị nya jẹ awụlẹ ka.

Anịna hwang ọlẹhị piye-piye jahị daawụlẹ.

EPEEDII Á TI HAHỊ LA ỌKAKA KÁ.

Chawowo!!! anụ kpehe, ẹla ọhọ ahị bwuu ịnyị-ị.