Ojiya nya Adam, wuleji myịmyị
Ojiya nya Adam, ịyẹ á tì kpang nọnọ ịwẹ
Ojiya nya Adam, ịwẹ á la ini ka
Ojiya nya Adam, oja nyang ọlẹ kahị wo datị hyị ọwẹ
Ojiya nya Adam, wuleji myịmyị.
Ojiya nya Adam, jaabwọ ahị wo datị hyị ọwẹ
Ojiya nya Adam, á họ ka anyị nyahị á me kahị me ọnụ ka
Me, ị tì ya nyahụ nyị lịgọgọ, ahụ nyị la uhihi
Ojiya nya Adam, wuleji myịmyị, ịyẹ a tì kpang nọnọ ịwẹ.
Ojiya nya Adam, ẹ-ẹga ka ị yaá olila da ekeji-ọyị
Ojiya nya Adam, ẹ-ẹga ka ọngọ-jẹbyị á ka hù uga ka
Ojiya nya Adam, ẹ-ẹga ka ọngọ-chị-abwang á ka la ọnụ ya ẹla ka
Ojiya nya Adam, ẹ-ẹga ka ọngọ nwu ọọnamwụ la ojiga á ka hù uga ka
Ojiya nya Adam, á họ ka anyị nyahị á me kahị me ọnụ ka.
Ojiya nya Adam, ẹ-ẹpwụ ụtụrụ nya ẹla nya ịlẹhị
Ojiya nya Adam, ẹ-ẹpwa ụtụrụ nya ẹla oya kpẹkpẹ
Ojiya nya Adam, ẹ-ẹpwụ ụtụrụ nya ang ọga mememe
Ojiya nya Adam, ẹ-ẹga kị jẹ Ode datị hyị Ọga ka
Ojiya nya Adam, jaabwọ kahị wo datị hyị ọlẹ kahị yẹng wẹ.
Ojiya nya Adam, wuleji, á nọnọ ka
Ugbiloko bala ubwoo, ịyẹ á tì ka hụlang abwọọ myị
Igbachiwu lee ụkpụ-enyi á ka kpang beeji myị ka
Ụtẹẹ ẹgbong nyang da weji-weji, ịnyịnyị abwọọ nyang bala apwū á la lẹ.
Angịịnyịbị á ka rụụnyẹ hyịng ẹẹ,
Ojiya nya Adam, wuleji myịmyị.
Comments